Furtum est contrectatio fraudulōsa lucri faciendi gratiā vel ipsīus rei vel etiam usus possessionēve. Furtum a furvo, id est nigro dictum Labeo ait, vel a fraude, ut Sabīnus ait, vel ferendo et auferendo. Fur est, qui dolo malo rem aliēnam contrectat. Manifestus fur est, qui in faciendo deprehensus est et qui intra termĭnos eius loci, unde quid sustulĕrat, deprehensus est. (Furti) concepti actiōne is tenētur, apud quem furtum quaesītum et inventum est. (Furti) oblāti actiōne is tenētur, qui rem furtĭvam alii obtŭlit.