Как мне уснуть?

Вот православная молитва к Богу. Мне как то раз помогло.

Бо́же вели́кий, хва́льный, и непостижи́мый, и неисповеди́мый, созда́вый челове́ка руко́ю Твое́ю, пе́рсть взе́м от земли́ и о́бразом Твои́м почти́вый его́, Иису́се Христе́, прежела́емое и́мя, со Безнача́льным Твои́м Отце́м, и с Пресвяты́м, и Благи́м, и Животворя́щим Твои́м Ду́хом, яви́ся на мне, и посети́ мя душе́ю и те́лом, умоля́емь от Пресла́вныя Влады́чицы на́шея Богоро́дицы, и Присноде́вы Мари́и: святы́х небе́сных си́л безпло́тных: и честна́го сла́внаго Проро́ка, Предте́чи и Крести́теля Иоа́нна: святы́х сла́вных и всехва́льных апо́столов: и́же во святы́х оте́ц на́ших, и вселе́нских учи́телей, Васи́лиа Вели́каго, Григо́риа Богосло́ва, Иоа́нна Златоу́стаго: Афана́сиа и Кири́лла, Никола́а и́же в Ми́рех, Спиридо́на чудотво́рца, и все́х святы́х священнонача́льников: свята́го Апо́стола первому́ченика и архидиа́кона Стефа́на: святы́х сла́вных и великому́чеников, Гео́ргиа победоно́сца, Дими́триа мирото́чца, Фео́дора стратила́та, и все́х святы́х му́чеников: преподо́бных и богоно́сных оте́ц на́ших, Анто́ниа, Евфи́миа, Са́ввы освяще́ннаго, Феодо́сиа о́бщаго жития́ нача́льника, Ону́фриа, Арсе́ниа, Афана́сиа Афо́нскаго, и все́х преподо́бных: святы́х и исцели́телей, безсре́бренников Космы́ и Дамиа́на, Ки́ра и Иоа́нна, Пантелеи́мона и Ермола́а, Сампсо́на и Диоми́да, Фалале́а и Три́фона, и про́чих: и все́х Твои́х святы́х, и да́ждь мне со́н упокое́ния, со́н теле́сный здра́вия и спасе́ния и живота́, и кре́пость душе́вную и теле́сную: я́коже посети́л еси́ иногда́ Авимеле́ха уго́дника Твоего́, во хра́ме Агри́ппове, и да́л еси́ ему́ со́н утеше́ния, е́же не ви́дети паде́ния Иерусали́мова: и сего́ успи́вый сно́м пита́тельным, и па́ки сего́ воскреси́вый во еди́ном мгнове́нии вре́мени, в сла́ву Твоея́ бла́гости, но и святы́я Твоя́ сла́вныя се́дмь о́троки, испове́дники и свиде́тели Твоего́ явле́ния показа́вый, во дни́ Деки́а царя́ и отсту́пника: и сия́ успи́вый в верте́пе на ле́та, я́ко младе́нцы согрева́емыя в ложесна́х ма́тере своея́, и ника́коже претерпе́вшыя тле́ния, в похвалу́ и сла́ву человеколю́бия Твоего́, и в показа́ние и извеще́ние на́шего пакибытия́, и воскресе́ния все́х. Са́м у́бо человеколю́бче Царю́, предста́ни и ны́не наи́тием Свята́го Твоего́ Ду́ха, и посети́ мя грешнаго, да́руй мне здра́вие, кре́пость и благомо́щие, Твое́ю бла́гостию: я́ко от Тебе́ е́сть вся́ко дая́ние бла́го, и вся́к да́р соверше́н. Ты́ бо еси́ вра́ч ду́ш на́ших, и тебе́ сла́ву, и благодаре́ние, и поклоне́ние возсыла́ем со Безнача́льным Твои́м Отце́м и с Пресвяты́м, и Благи́м, и Животворя́щим Твои́м Ду́хом, ны́не и при́сно, и во ве́ки веко́в, ами́нь.